എന്റെ വിലാപം
കൃഷ്ണ ലീല കേട്ട് രസിക്കും മനസ്സിന്
ജീവിത ലീല രസിക്കാത്തതെന്തേ കണ്ണാ
മൂല്യ ച്യുതി കണ്ടു സഹിക്കെട്ട് പഴിക്കാതെ
കൌശല കണ്ണനായി ഞാന്‍ തീരുമോ കണ്ണാ
തത്വമസി എന്ന മഹാവാക്യം കേട്ടിട്ടും
ആത്മനിന്ദ ചെയ്തു പോകുന്നതെന്തേ കണ്ണാ
ക്രോധം കളയുവാന്‍ തീരുമാനമെടുത്തിട്ടും
ക്രോധത്തിനിരയായി ഞാന്‍വീഴുന്നു കണ്ണാ
കാരുണ്യവാനായ അങ്ങയെ സ്തുതിച്ചിട്ടും
കരുണ എന്നില്‍ പിറക്കാത്തതെന്തെ കണ്ണാ
അദ്വൈതം മസ്തിഷ്ക്കത്തില്‍ നിറച്ചിട്ടും
മിഴികളാല്‍ദര്‍ശനമാകാത്തതെന്തേ കണ്ണാ
ഗുരുമുഖത്തുനിന്നും അനുകമ്പാദശകം ശ്രവിച്ചിട്ടും
അനുകമ്പ ആരോടും തോന്നാത്തതെന്തേ കണ്ണാ
സൂര്യപുത്രിയാണെന്ന് അറിഞ്ഞിട്ടും
മിന്നമിനുങ്ങായി ഞാന്‍ വിരാജിക്കുന്നതെന്തേ കണ്ണാ
കാന്തത്തെ സമീപിച്ച ഇരുമ്പിനെ പോലെ
ഞാനും കണ്ണനായി തീരുമോ കണ്ണാ
ശിശുബാലനെ നൂറ് തവണ ക്ഷമിച്ച
അങ്ങയുടെ ക്ഷമാശീലം എനിക്കും തരുമോ കണ്ണാ
മാധുര്യ മാര്‍ന്ന മധുസൂധന
എന്‍ മൊഴിയിലും മാധുര്യം തരുമോ കണ്ണാ
ഹൃദയകമാലവസാ അങ്ങ് വസിക്കുവാന്‍
ഹൃദയത്തെ പരിശുദ്ധമാക്കാന്‍ പരിശ്രമിക്കുന്നു കണ്ണാ
No comments:
Post a Comment